' वसुधैव कुटुंबकम' या उक्तीनुसार दिवाळी केवळ आपल्या नातेवाईकांमधे साजरी न करता ती समाजात जाऊन, लोकांसमवेत साजरी करावी हे उद्दिष्ट डोळ्यासमोर ठेऊन 1986 साली चतुरंगने आपली पहिली 'दिवाळी पहाट ' सजवली. ह्यावर्षीची 'दीपप्रभा' अर्थात 'स्वरदीपोत्सवाची' मैफल पुण्यातील "सनवर्ल्ड' ह्या ज्येष्ठ निवासामध्ये सौ.अपर्णा ताई बिवलकर ह्यांच्या बहारदार गायकीने रसिकांना मंत्रमुग्ध करून गेली. 
भावगीत, भक्तिगीत, अभंग, नाट्यगीत अशा विविध रसांनी नटलेली स्वरमैफिल सर्व आजींना थोडीशी नॉस्टेल्जिक करणारी, जुन्या सुखद आठवणीना पुनः उजाळा देणारी ठरली..
सौ.अपर्णा ताईंच्या दमदार सुरांना श्री. शेखर दादांनी केलेली निवेदनाची 'शब्दसाथ' मैफिलीचा सुगंध वृद्धिंगत करणारी ठरली..!! 
ह्यावर्षीची चतुरंगची 'भाऊबीज भेट' सनवर्ल्ड च्या श्रीम. रोहिणीताईंकडे सुपूर्द करून स्वरदीपोत्सवाची सांगता झाली..