चतुरंग होलिकोत्सव २०२५

चतुरंग डोंबिवली केंद्राचा होलिकोत्सव हा उपक्रम स्थानिक कलाकारांना व्यासपीठ मिळवून देणे व त्यांना जाणकार रसिकांसमोर आपली कला सादर करण्याची संधी देणे य उद्देशाने 1988 पासून चालू आहे.यंदाचा कार्यक्रम रविवार दिनांक १६ मार्च २०२५ रोजी संपन्न झाला.कार्यक्रमाची सुरुवात "दोस्त म्हणतो" या चित्र काव्य गप्पांच्या आगळ्या वेगळ्या कार्यक्रमाने झाली .विजय बेंद्रे, मेघांत,इंद्रजीत उगले, व आकाश सावंत या कवी मित्रांनी  वेगवेगळ्या विषयांवरील कवितांच्या खुमासदार सादरीकरणाने  उपस्थितांची मने जिंकली. कार्यक्रमाचे वेगळेपण असे की  कार्यक्रमात कविता सादर झाल्यानंतर चित्रकार रोहन कोळी  यांचे लाईव्ह पेंटिंग झाले.त्यांनी Abstract painting विषयी थोडक्यात सोप्या शब्दात माहिती सांगितली. या कार्यक्रमाचे प्रास्ताविक, कलाकारांचा परिचय व या भागाचा समारोप कार्यकर्ते प्रदीप इनामदार यांनी केला.दुसऱ्या भागात "चिंतन तुकारामांचे" या कार्यक्रमात डोंबिवलीतील प्रसिद्ध तरुण कीर्तनकार ह.भ.प.मोहक रायकर यांनी आपल्या कीर्तन रंगाने भक्ती रसाची अनुभूती देत कीर्तन सादर केले.बुवांचा आवाज, त्यांनी गायलेले अभंग,व दिलेले दाखले यात श्रोते इतके तल्लीन होऊन गेले की कुणाला वेळेचे भानही राहिले नाही. शेवटी        कार्यकर्ते सचिन आठवले यांनी होलिकोत्सवासाठी सहकार्य देणार्यांप्रति ऋण भावना व्यक्त केल्या .