चैत्र पालवी संगीतोत्सव -चतुरंग चा 51 वा वर्धापन दिन नुकताच रविवार दिनांक 15 जून 2025 रोजी सुयोग मंगल कार्यालय डोंबिवली येथे प्रचंड पाऊस असताना सुद्धा रसिक प्रेक्षकांच्या चांगल्या उपस्थितीत पार पडला . सर्वप्रथम सचिन आठवले यांनी प्रास्ताविक केल्यानंतर ची अद्वैत केसकर या शिष्यवृत्ती प्राप्त युवा कलाकाराच्या दमदार गायनाने कार्यक्रमाला सुरुवात झाली. गौड मल्हार या बंदिशीने सर्व रसिक प्रेक्षकांना अद्वैतने मंत्रमुग्ध केले. श्री निषाद चिंचोले तबला व श्री निनाद जोशी संवादिनी यांच्या साथीने मैफिल छान रंगली म्हैस कर फाउंडेशन पुरस्कृत चतुरंग संगीत शिष्यवृत्ती व चतुरंग संगीत सन्मान हा सोहळा निवड समितीचे पंडित चंद्रशेखर वझे संगीत सम्मान प्राप्त डॉक्टर पंडित विद्याधर व्यास संगीत शिष्यवृत्ती  प्राप्त  चिरंजीव अद्वैत केसकर म्हैसकर फाउंडेशनच्या श्रीमती सुधाताई म्हैसकर व प्रमुख पाहुणे पंडित अरुण कशाळकर यांच्या उपस्थितीत शानदार झाला पंडित चंद्रशेखर वझे यांनी निवड समितीच्या वतीने आपले मनोगत मांडले त्यानंतर श्रीमती सुधाताई म्हैसकर यांनी चतुरंग संगीत सन्मान व चतुरंग शिष्यवृत्ती याबद्दल आपले मत मांडले चि अद्वैत याला शुभेच्छापत्र व धनादेश पंडित अरुण कशाळकर यांच्या हस्ते देण्यात आला तसेच डॉक्टर पंडित विद्याधर व्यास यांचा सन्मान मानपत्र व धनादेश देऊन पंडित अरुण कशाळकरांच्या हस्ते करण्यात आला अद्वैतने चतुरंग बद्दल ऋण व्यक्त करून ही शिष्यवृत्ती पुढील शिक्षणासाठी नक्कीच प्रोत्साहित करणारी आहे असे मत व्यक्त केले सन्मानाला प्रत्युत्तर म्हणून पंडित विद्याधर व्यास यांनी आपल्या संगीत घराण्याच्या इतिहासाबद्दल अभ्यासपूर्ण वक्तव्य केले तसेच डोंबिवली सारख्या सांस्कृतिक नगरीत म्हस्कर फाउंडेशन तर्फे गुरुकुल पद्धतीने संगीत शिक्षण देणारे स्वयंपूर्ण विद्यापीठ असावे आणि ह्या कामासाठी काही मदत लागली तर मी आनंदाने द्यायला तयार आहे असेही सांगितले प्रमुख पाहुणे व अतिथी मान्यवर बुजुर्ग कलाकार पंडित अरुण कशाळकर यांनी आपले मनोगत व चतुरंग बद्दल आपल्या भावना व्यक्त केल्या सोहळ्याचे सूत्रसंचालन चंद्रशेखर देशपांडे व ऋणनिर्देश प्रदीप इनामदार यांनी केला. कार्यक्रमाच्या उत्तरार्धात सौ वेदश्री खाडीलकर ओक यांचे गायन झाले त्यांनी आशाताई एकसूरदासी हे सूत्र घेऊन त्यांच्या आईच्या अनेक गाण्यांना स्पर्श केला डॉक्टर समीरा गुजर यांनी कार्यक्रमाचे निवेदन केले अनिरुद्ध गोसावी यांनी संवादिनीची साथ तसेच श्री निषाद करलगीकर यांनी तबल्याची साथ दिली. सौ वेदश्री खाडीलकर ओक यांनी नाट्यगीत बंदिशी भावगीत असे अनेक संगीत प्रकार लीलया सादर करून रसिक प्रेक्षकांना आपल्या सुरेल सुरांनी अक्षरशः चिंब केले हा सोहळा रसिकांच्या उत्स्फूर्त प्रतिसादात आणि मान्यवरांच्या उपस्थितीत संपन्न झाला